प्रगटदिन सप्ताहाचा भव्य कार्यक्रम

दरवर्षी श्री गजानन महाराजांच्या प्रगटदिन सप्ताहाच्या कार्यक्रमाची सर्व भक्तगण आतुरतेने वाट बघत असतात.
न्यासाच्या (ट्रस्टच्या) या भव्य कार्यक्रमास सर्व सामन्याची ,भक्तांची प्रशंसा लाभलेली आहे.
या आकर्षक व भक्तिपूर्ण कार्यक्रमाच्या नियोजनास प्रगटदिनाचे तीन महिने आधीपासून तयारी करावी लागते.

हरिनाम सप्ताह :

या प्रगटदिन सप्ताहास “अखंड हरिनाम सप्ताह ” असे संबोधतात या सप्ताहात किर्तन — भजनाचे कार्यक्रमास प्राधान्य दिलेले आहेत. अपवादात्मक स्थितीत (काही वर्षी ) संपूर्ण सप्ताहात रात्री किर्तनाचे ऐवजी रामायण , महाभारत ,भागवत ,या सारखे कार्यक्रम ठेवण्यात आले होते. हे कार्यक्रम देखील बहुसंख्य श्रोत्त्यांच्या उपस्थितीत पार पडले. तथापि देहू आळंदीच्या या परिसरात राहणाऱ्या भाविक जनतेला मराठी किर्तन -भजनात विशेष सुची आढळली.
“किर्तनकार ” विशेषतः माऊलींच्या आळंदी यात्रेत (तीन महिने पूर्वीच) ठरविण्यास सुरवात होते. अनेक संस्था आणि व्यक्तिगत किर्तनकार महाराजांच्या पुढील तारखा या काळात घेत असतात या बाबत न्यास देखील लोकप्रिय महाराजांच्या संपर्कांत असतात.
सप्ताह समारंभाकरीता मंदिरासमोरील मैदानात भव्य मंडप उभारण्यात येतो. संपूर्ण सप्ताहातील कार्यक्रमाची छापीत स्वरूपात पत्रिका वितरित करण्यात येते.

सप्ताहातील ठळक कार्यक्रम :

१) हरिनामाचा गजर व अखंड वीणावादन :

संपूर्ण सप्ताहात अगदी पहाटेपासून हरिनामाचा गजर सुरु होतो.
पवित्र वीणेची भावपूर्ण पूजा करीत वीणेकऱ्यास दिले जाते आळंदीचे निमंत्रित मठ विध्यार्थी आळीपाळीने रात्रंदिवस अखंडपणे विणा धारण करीत असतात.

२) मंगल अभिषेक :

सप्ताहात रोज पहाटेस मंगल अभिषेक होत असतो यांस भाविकांची व नोंदणी केलेल्या यजमानांची उपस्थिती असते.

३) ज्ञानेश्वरी पठण :

सप्ताहातील पहिल्या दिवसापासून पुढे सहा दिवस “सामुहिक ज्ञानेश्वरी पठण ” असते यास ह भ प श्री शिवाजी महाराज शिंदे (आळंदी )
व्यसपीठावर विराजमान असतात त्यांच्या स्वरात स्वर मिळवीत शेकडो भक्त भगिनी व बंधू ज्ञानेश्वरी पठण करीत असतात.
सहाव्या दिवशी सायंकाळी (विशेष कार्यक्रमात ) सामुहिक दिप प्रजलनाने व प्रार्थना -पसायदानाने पठणाची सांगता होते.

४) भजन :

वेगवेगळ्या महिला मंडळातर्फे दुपारच्या समयास (दु१. ०० ते ५. ०० ) भजन गायनाचा कार्यक्रम होत असतो.
रोज तीन — चार महिला भजनी मंडळांना हि सेवा नोंदणी पद्धतीने दिली जाते.

५) हरिपाठ :

अखंड हरिनाम सप्ताहात (इतर प्रसंगी देखील ) रोज सायंकाळी (५-०० ते ६-३०) टाळ,मृदंग, आणि वाद्यांच्या गजरात
हरिपाठाचा कार्यक्रम होत असतो. हरिपाठ समाप्तीनंतर टाळकरी विदयार्थी भजने गात —- नाचत हरिनामात तल्लीन झाले असतात. अनेक उपस्थित महिला –पुरुष याचा आनंद घेत असतात. ह. भ. प. श्री. माधव महाराज इंगोले यांच्या आळंदी मठाचे विद्यार्थी यांत सहभागी असतात.

६) कलावंतांना संधी :

प्रत्यक्ष किर्तनाचा कार्यक्रम रात्री आठ वाजता सुरु होतो त्या दरम्यान (सायंकाळी ) इतर कलावंतांना कला
प्रदर्शनाची संधी दिली जाते. यांत बासरी वादन,सत्तार वादन ,भावगीते गायन या सारखे कार्यक्रम आयोजित करण्यात येतात.

७) किर्तन :

वर उल्लेख केल्याप्रमाणे तारखेनुसार ठरलेल्या किर्तनकारांचे किर्तन रात्री सुरु होते टाळकऱ्याची भरपूर संख्या असते.
भक्तिमय वातावरण निर्माण झालेले असते सारा मंडप आणिमैदान,समोरील रस्ता समस्त जागेवर असंख्य भाविक आसनस्थ असतात. ती उपस्थिती बघून मान्यवर कीर्तनकारांना देखील हुरूप आलेला असतो.

८) प्रगटदिन सोहळा :

प्रत्यक्ष प्रगटदिनाचे दिवशी कार्यक्रमात बदल असतो. सकाळी विशेष अभिषेक असतो सोबतच श्री सत्य नारायण कथा असते.
सकाळी सहा ते दुपारी १२ ३० पर्यंत महाराजांचे दासगणु लिखित चरित्र ग्रंथाचे पारायण असते समस्त पारायण मुखाग्र असलेल्या व्यक्तीचे व्यासपीठावर विराजमान असतात. शेकडो महिला व पुरुष या सामूहिक पारायणात वाचन करीत असतात.
पारायण समाप्ती नंतर महा आरती होते व्यासपिठाधिकाऱ्या व्यक्तीचा सत्कार होतो.
या नंतर महाप्रसाद वितरण होतो शिस्त बद्ध पद्धतीत हजारो भक्तांना महाप्रसादाचा लाभ मिळतो. महाप्रसादाचा कार्यक्रम दुपारी एक ते रात्री
दहा पर्यन्त सामान्यतः सुरु असतो. दूर दूरचे भाविक भक्त प्रगटदिनी या महाप्रसादाकरिता आणि महाराजांचे दर्शनाकरिता येथे येत असतात.
महाप्रसाद चपाती,पिठलं (बेसन ) भात,भाजी,बुंदी,ठेचा,वगैरे असतो.
साधारण २१ क्विंटल गव्हाच्या पिठाच्या चपात्या तयार होतात.
यात साधारण १२ क्विंटल पिठाच्या चपात्यांचा क्रॉंट्रॅक्ट दिला जातो. उर्वरित पिठाच्या चपात्या करिता सेवाभावी महिला भगिनींची सेवा असते. पाचशेहून अधीक महिलांनी सेवा नोंदणी केलेली असते. गटागटाने प्रत्येक महिलेस दोन दोन तास सेवा दिलेली असतेप्रसंगी महाराजांचे तरुण स्वयंसेवक गण स्वतः (संपूर्ण) महाप्रसाद तयार करतात.
या सप्ताहा व्यतिरिक्त कार्यक्रमाचे अनेक वर्षा पासून त्याची हि सेवा सुरु आहे.
रात्री नियोजित कीर्तनाचा कार्यक्रम असतो.

९) काल्याचे किर्तन व महाप्रसाद :

दुसरे दिवशी काल्याचे किर्तन होते यानंतर यादिवशी देखील महाप्रसाद असतो. हजारो भाविकांनी महाप्रसादाचा लाभ घेतलेला असतो.
काही भाविकांचा,मान्यवरांचा,म न पा अधिकाऱ्यांचा सत्कार देखील कीर्तनानंतर महाप्रसादापुर्वी केला जातो.

१०) ग्राम प्रदक्षिणा :

सायंकाळी महाराजांच्या पालखीची ग्राम प्रदक्षिणा काढण्यात येते. यांत महामिरवणुकीत वेगवेगळे भजनी मंडळ, वाद्य वृंद,
तुळस डोक्यावर असलेल्या महिला असंख्य भक्तगण सामील असतात.
परत मंदिरात आल्यावर महाआरतीद्वारे समारंभाची सांगता होते.
या समस्त सोहळ्यास प्रचंड खर्च होतो सामान्यतः वीस लाख रुपयांहून अधिक खर्च झालेला असतो. शिवाय अन्नधान्य भोजनादी खर्च
वेगळा असतो भाविक भक्तांनी दिलेल्या देणग्यांद्वारे व धान्यरूप देणग्यांद्वारे हा खर्च सहज पार पडतो याकरिता देणग्या स्वीकारणे अद्यापही सुरु आहे.