धार्मिक कार्यक्रम

मंदिर म्हटले की तेथे नित्य पूजाअर्चा अभिषेक इत्यादी नियमित धार्मिक कार्यासोबतच अनेक प्रासंगिक कार्यक्रम देखील असतातच.

सकाळ-संध्याकाळ सामुदायिक आरती, दुपारचे व रात्रीचे मूर्तीस भोजन इत्यादी नियमित कामे होत असतात. याकरिता मानधनावर पुजारी ठेवण्यात आले आहेत. अनेक भक्त सतत स्वयंसेवकांचे कार्य करीत असतात.
महाराजांच्या प्रकट दिना पूर्वी सात दिवस भरपूर कार्यक्रम असतात. हरिनाम सप्ताह, ज्ञानेश्वरी पठण, जागर, सामुदायिक ग्रंथ पारायण, भजन, कीर्तन आदी भरगच्च कार्यक्रम असतात.
प्रकटदिनी व दुसऱ्या दिवशी काल्याचे कार्यक्रमानंतर हजारो भक्तांना महाप्रसाद दिला जातो. ऋषिपंचमी इत्यादी धार्मिक दिनीदेखील महाप्रसाद वितरित होतो.
दर गुरुवारी महाआरती व नंतर महाप्रसाद असतो.
दर एकादशीला सायंकाळी प्रवचन असते.
होमहवन, काकड आरती, कृष्ण जन्म, राम जन्म, मारुती जन्म इत्यादी कार्यक्रम देखील ठरलेले असतात.