शेगावीचा राणा अवतरला सांगवी गावात

सदर भव्य मंदिराची निर्मिती होण्यापूर्वी काही शुभ लक्षणे आढळली. ही शुभ लक्षणे म्हणजे एक प्रकारे या संपूर्ण कार्यास महाराजांनी स्वतः दिलेली संमती होती.

1. श्री गजानन महाराज सर्व सेवा न्यास या नावाने ट्रस्ट करायचे ठरले. त्याकरिता मार्गदर्शक शोधत होतो. योगायोगाने अ‍ॅड. श्रीरंग होनप साहेब आम्हास मिळाले. ते तर गजानन महाराजांचे भक्त होते. त्यांनी आम्हास संपूर्ण नि:शुल्क सहकार्य केले. दरम्यान नवीन आलेला धर्मदाय आयुक्तांनी व त्यांच्या स्टाफ ने अगदी जलद गतीने आमच्या ट्रस्टला मान्यता दिली. हा एक चमत्कारच होता
2. श्री किर्दत साहेब हे सुप्रसिद्ध आर्किटेक्चर योगायोगाने आम्हास मिळाले. त्यांनी संपूर्ण नि:शुल्क सेवा केली. आज ही ते मार्गदर्शन करतात. त्यांचे हातून एक उत्तम मंदिराची उभारणी होईल असा त्यांना दृष्टांत होता असे कळले. यातील पहिले मंदिर हेच आहे. हा देखील एक चमत्कारच होता.
3. महाराजांची सुंदर मूर्ती ऑर्डर देऊन तयार करून राजस्थानातून आणण्यात आली. मूर्तीची पश्चिम दिशाभिमुख प्रतिष्ठापना झाली. गाभाऱ्यातील ही भव्य मूर्ती उंचावर असल्यामुळे अगदी मंदिराबाहेरुन ती दिसू शकते, दर्शन घडते.
4. मंदिर निर्मितीस नऊ वर्षे लागली. ट्रस्टच्या कार्यकारी पदाधिकाऱ्यांचा दर तीन वर्षांनी होणारा बदल नऊ वर्षे टाळण्यात आला. अनेकदा पदाधिकाऱ्यांना बदल ‘होणाऱ्या कार्यात’ अडचणीचा ठरतो हे सर्वांनी लक्षात घेतले. मोठ्या प्रमाणात देणग्या गोळा करण्यात आल्या. अनेकांचे सहकार्य लाभले.
5. अशाप्रकारे अनेक सुलक्षणे घडत गेली इ. स. २००५ मध्ये महाराजांच्या प्रकटदिनाला प्रतिष्ठापना व कळस पूजन संपन्न झाले. कलशारोहन आदरणीय पूज्य श्री शंकराचार्य करवीर पीठ, कोल्हापूर यांचे हस्ते झाले. नऊ दिवस हा स्थापन सोहळा विधिवत सुरू होता. प्रतिष्ठापना सोहळा समारंभ काळातच ह. भ . प .श्री रामराव ढोक महाराज यांचे श्री रामायणाचा प्रवचनाचा(सप्ताहाकरिता ) कार्यक्रम आयोजित करण्यात आला होता. या कार्यक्रमास अनेक भाविक भक्तांची उपस्तिती होती यास जनतेने उत्स्फूर्त साथ दिली. 
6. श्री गजानन महाराजांच्या प्रगटदिनाचा मुहूर्त साधत (इ. स .४ मार्च २००५) मंदिराच्या या भव्य वास्तूमध्ये महाराजांचे मूर्तीची प्रतिष्ठापना करण्यात आली. 
   मूर्ती प्रतिष्ठापने पूर्वी विधीवत मूर्तीस सात दिवस वेगवेगळ्या प्रकारे शास्त्रोक्त -सूचनांचे पालन करीत -अभिषेक करण्यात आले हा विधी करताना ”प्राणांनां  प्रतिष्ठा भवती “अन्वयार्थ प्राण प्रतिष्ठे प्रित्यर्थ ” वेद पठण, मंत्रोपचारादी धार्मिक विधी करण्यास पंडित श्री दिवाकर गोरे (गुरुजी ) आणि इतर पंडितांना पाचारण करण्यात आले होते.
   प्रगटदिनी अनेक भक्त भाविकांना महाआरतीनंतर महाप्रसादाचा लाभ झाला.
7. प्रगटदिनाचे दुसरे दिवशी काल्याचे कीर्तन झाले. काल्याच्या कीर्तनानंतर शेकडो भक्त भाविकांना महाप्रसादाचा लाभ प्राप्त झाला. 
   सायंकाळी महाराजांच्या पालखीची ग्रामदिंडी (शोभायात्रा) काढण्यात आली. यात महामिरवणुकीत वेगवेगळे भजनी मंडळ, वाद्यवृंद, तुळस डोक्यावरी असलेल्या महिला व असंख्य भक्तगण सामील होते.
   हीच ग्रामदिंडीची (शोभायात्रेची) प्रथा अद्यापही सुरु आहे. या ग्रामप्रदक्षिणेनंतर महाआरती होते व प्रगटदिन सप्ताहाची (हरिनाम सप्ताहाची ) सांगता होते.
8. दर गुरुवारचा कार्यक्रम – श्रींच्या महापूजेचा विशेष कार्यक्रम दर गुरुवारी असतो दर गुरुवारी -पहाटे अभिषेक असतो .यात पंडितांचे हस्ते अभिषेक होत असतो नोंदणी केलेल्या भक्तांना अभिषेकाचा लाभ प्राप्त होतो.
   सायंकाळी ७ -३० वाजता महाआरती असते. यात शेकडो भाविक भक्तांची उपस्तीथी असते या दिवशी महाप्रसादाकरिता नोंदणी केलेल्या भक्तां पैकी पहिल्या सात भक्तांना आरती पात्रे दिल्या जातात.
   महाप्रसादाकरिता सद्या रु ७५०/- देणगी स्विविकारली जाते. यात मोठी प्रतिक्षा यादी असते.
   आरतीनंतर समस्त उपस्थितां ना पिठलं भाताचा प्रसाद वाटप होतो. रात्री महाराजांची शेजाआरती करून ९-३० नंतर विश्राती घेतली जाते.